Quellen zur Geschichte der Juden im Erzbistum Mainz (1273-1347)

Zurück zur Übersicht

340 Quellen in diesem Teilcorpus. Sie sehen die Quelle 224.

Ebm. Mainz 1, Nr. 216

1336 März 6, [Nierstein]

Schultheiß Konrad Fulschüssel und die Schöffen zu Nierstein bekunden, dass der Jude Isaak von Oppenheim und seine Ehefrau Zippora vor ihnen den halben Hof, der vormals Heilmann Bolin gehörte und bei dem Bach zu Nierstein gelegen ist, sowie den ganzen Hof, den einst Heinrich Glöckner besaß, dem Abt und Konvent zu Eberbach übergeben haben.

Wir, Conrad Wͦlleschuͦzzele, schuͦltezze, und dy scheffin zuͦ Nersthein bekennin an dyssem uͦffin brive, daz Isaac, ein iuͦde von Oppinhei[m] unde vͦr[owe] Cyppuͦre, sin elyche wirtin, mit samindir hant vor uns an geriechte uͦf gabin den geystlychen luͦden, teme .. abte und deme .. convente zuͦ Ebirbach, den hof halbin, der da etwanne was Helman Bolin und by der baich gelegin ist zuͦ Nersthein, und den ganzen hof und daz huͦs, daz etwanne was Heinrichis Glockeneris. Und wir, dy geystlychen luͦde dar in gesetzin, hon mit alsolychen vorwͦrtin, wanne daz her Ebirhart, ein pristir von Oppinhei[m], geheizin zuͦm Voger, nyt in ist, so sal Emerche Henkig adir sin erbin losin dy vorganantin hove mit fuͦnzig [!] puͦndin hellerin gengir unde gebir von den vorgescriben geystlychen luͦden unde suͦllint sy in auch zuͦ losene gebin an wydir rede. By dyssen redin sint gewesit her Heinrich Ruͦwe, her Helfrich von Ingilnhei[m], her Heinrich Ring, her Gerhart von Sluͦter, rittere unde scheffin, und anderis viel erbere luͦde. Und hon wir unsiris dorfis ingesigele von bedin des .. abtis und des .. conventis und auch von Emerchin und hern Petiris, sinis suͦnis, an dyssen brif gehenkit zuͦ orkuͦnde dirre vorgescriben rede. Gegebin, alse man zalte von Cristis gebuͦrte druͦzehenhuͦnderit iar und ses und drizig iar, an deme mitwͦchin vor sente Gregorius.

Überlieferung:

Darmstadt, StA, A 2, Nr. 186/9, Orig. (A), dt., Perg.; Darmstadt, StA, C 1 A, Nr. 169, fol. 79v (Abschr., spätes 14. Jh.) (B); Wiesbaden, HStA, Abt. 22, U 438, fol. 100v (Abschr., spätes 14. Jh.?) (C).

  • Hessische Urkunden 3, Nr. 1061, S. 125 f. (unvollständig und fehlerhaft).
  • Quellen zur Geschichte der Juden im STA Darmstadt, Nr. 53, S. 18;
  • Judaica im Staatsarchiv Darmstadt 1, Nr. 29, S. 6;
  • Regesten zur Geschichte des Niederrheingaus, Nr. 1053, S. 148.
  • Held, Rathofkapelle (2000), S. 27 und 28 (Ablichtung).

(gem.) / Letzte Bearbeitung: 07.07.2015

Zitierhinweis

Corpus der Quellen zur Geschichte der Juden im spätmittelalterlichen Reich, hg. v. Alfred Haverkamp und Jörg R. Müller, Trier, Mainz 2015, MZ01, Nr. 216, URL: https://www.medieval-ashkenaz.org/MZ01/CP1-c1-016v.html (Datum des Zugriffs)

Lizenzhinweis

Die Datensätze stehen unter einer Creative Commons Attribution 4.0 International (CC BY 4.0) Lizenz und können unter Berücksichtigung der Lizenzbedingungen frei nachgenutzt werden. Sofern nicht anders angegeben, sind die verwendeten Bilder urheberrechtlich geschützt.

Zurück zur Übersicht