Quellen zur Geschichte der Juden im Erzbistum Mainz (1273-1347)

Zurück zur Übersicht

340 Quellen in diesem Teilcorpus. Sie sehen die Quelle 207.

Ebm. Mainz 1, Nr. 200

1333 Januar 20, Miltenberg

Die Brüder Konrad und Engelhard von Weinsberg bekunden, dass sie ihre Burg zu Weinsberg Erzbischof Balduin von Trier aufgelassen haben und diesem bzw. dem Erzstift Mainz damit in Zusammenhang stehende Unkosten erstatten wollen, widrigenfalls Balduin zu ihren Lasten das Geld bei Christen oder Juden zu Schaden nehmen kann.

Allen, die disen brief sehent oder hoͤrent lesen, kúnden wir, Chuͦnrat und Engelhart von Wynsperg, gebruͦdere, und veriehen, daz wir unser hus ze Wynsperg in gegeben han unserm gnedigen herren hern Baldewin, einem ertzebischof ze Triere, und swaz er kosten lidet uf dem selben huse und in dem huse, den sullen wir im gar und ganzeliche abe legen und sol er daz hus dar umbe inne ze phande haben unz wir daz getuͦn. Und swenne der koste an uns gevordert wirt, so sullen wir im in wider legen und abe tuͦn innerhalb dem nehsten iare. Und swa wir daz nicht teten, so mag er daz selbe gelt von dem selben kosten uf unsern schaden gewinnen an kristen oder an iuden. Und in swaz schaden er oder der stift von Megenze da von kumet deheinen weg, den loben wir unverscheidenliche ab ze legenne gar und ganzeliche. Und sol er oͧch daz selbe hus dar umbe inne haben unz daz wir daz getuͦn. Und har uber ze einem urkùnde so han ich, Engelhart von Wynsperg, der vorgenande, min ingesigel gehenket an disen offennen brief fùr mich und fùr den vorgeschribenen Chuͦnrat, minen bruͦder. Ich, Chuͦnrat von Wynsperg, der egenande, veriehe alles, daz hie vor geschriben stat, daz daz mit minen willen beschehen ist. Unde loben ez stete ze habenne anne alle geverde und binde mich des under des vor genanden Engelhartes, mines bruͦders, ingesigel. Diz beschach und wart dirre brief gegeben ze Miltenberg, an sant Sebastianes tage, do man zalte von gottes geburte drizehen hundert und drizig iar, dar nah in dem dritten iare.

Überlieferung:

Würzburg, StA, Mainzer Urkunden 3764, Orig., dt., Perg.

  • REM 1, 2, Nr. 3269, S. 87.

(gem.) / Letzte Bearbeitung: 02.07.2015

Zitierhinweis

Corpus der Quellen zur Geschichte der Juden im spätmittelalterlichen Reich, hg. v. Alfred Haverkamp und Jörg R. Müller, Trier, Mainz 2015, MZ01, Nr. 200, URL: https://www.medieval-ashkenaz.org/MZ01/CP1-c1-0143.html (Datum des Zugriffs)

Lizenzhinweis

Die Datensätze stehen unter einer Creative Commons Attribution 4.0 International (CC BY 4.0) Lizenz und können unter Berücksichtigung der Lizenzbedingungen frei nachgenutzt werden. Sofern nicht anders angegeben, sind die verwendeten Bilder urheberrechtlich geschützt.

Zurück zur Übersicht