Zurück zur Übersicht

340 Quellen in diesem Teilcorpus. Sie sehen die Quelle 138.

• ««
• «
• »
• »»

Ebm. Mainz 1, Nr. 136

1319 Juli 15

Raugraf Heinrich der Alte bekundet, dass er seinem Verwandten Graf Johann von Sponheim dessen Schulden bei den Wormser Juden Lipmann und Hilging und dem Mainzer Juden Salman zum Storch samt Zinsen bis zum nächsten Fest Mariä Geburt (8. September) bezahlen wird. Sollte Heinrich dies versäumen, wird er in Bingen Einlager leisten, bis die Schuld einschließlich der Zinsen und eventueller Einlagerkosten zur Gänze abgegolten ist. Stirbt Heinrich vorher, geht seine schriftliche Verpflichtung auf die Erben über.

Wir, rug[ra]ffe Heinrich der alde, duͦne kunt allen den, die diesen brieff ansehen odir horent lesen, das wir unserm lieben nefen g[ra]ffen Iohanne von Spanheym han gelobet und geloben mit guden truwen in diesem briefe alsoliche schulte, als er schuldig ist Lipmanne und Hilgynge, den iuden von Wormisze, und Salmanne zuͦ dem Sturcke, dem iuden von Mentzen, zuͦ geldene und abe zuͦ duͦne beyde, heuptgelte und gesuche, und leistuͦnge, als ire briefe sprechent, die sie hant, bisz unser frauͦwen dag der leste, als sie geborn wart, der nuͦ aller neste kummet. Werez abir, das wir uff die vorg[ena]nt zijt die schulte nit ingulden noch abe deden, so sollen wir und globen mit guden truwen, zuͦ Byngen in die stat zuͦ ryden und zuͦ gisele da zuͦ ligene also lange nummer dannen zu kommen, wir enhaben danee [!] unserm nefen, dem vorg[ena]nten, die vorgeschr[iben] schulte vergulden und abegethan, als da vorgeschr[iben] steet, mit allem dem schaden, der daruff gangen ist oder dar nach gan mag an gesuͦche, an leistuͦnge, und sollen des unserm vorg[ena]nten nefen gleuben sinen worten ane eyde. Isz ist auch also geredt zwisschen uns, werez, das wir abegingen, ee wir die schulte vergulden, do sollen unser erben die vorg[ena]nten schulte gelden glicher wise, als wir mit allen den vorwortten, als davor geschr[iben] steet. Und des zuͦ eyme urkunde, so hain wir unser inges[igel] an diesen br[ief] gehencket, der wart geben, als man schreib von gots geburt in latyne anno domini Mᵒ CCCᵒ XIXᵒ, in divisione apostolorum.

Überlieferung:

• Regesten des Archivs der Grafen von Sponheim 1, Nr. 386, S. 267.

(gem.) / Letzte Bearbeitung: 02.07.2015

Zurück zur Übersicht