Zurück zur Übersicht

199 Quellen in diesem Teilcorpus. Sie sehen die Quelle 155.

• ««
• «
• »
• »»

Stadt Köln 1, Nr. 155

1334 Oktober 5

Bischof Adolf [II.} von Lüttich und Graf Wilhelm [V.] von Jülich bekunden, dass sie den Streit zwischen dem Kölner Erzbischof Walram [von Jülich] und Graf Adolf [VI.] von Berg wegen der Juden Meir von Siegburg und dessen Sohn Johelmann vollständig geschlichtet haben. Sie bewerten die Verurteilung Meirs als rechtmäßig, treffen unter anderem Entscheidungen bezüglich seines Kölner Hausbesitzes, seiner Schuldbriefe und -forderungen und regeln die Formen und Bedingungen der Rückzahlungen im einzelnen.

In Goitz namen amen. Wir Ailf van Goitz genaden Bisschoif van Luytge und Wilheym Greve zuͦ Guilge duͦn kunt alle den genen, die diessen Brief seynt ove horent lesen. Want unse heirre her Walrave Ertzebisschoif zuͦ Kolne op eyn siit und der edelman her Ailf Greve van dem Berge op ander siit alle der ungunst, die siich erlosen hait tusschen en van Meygers wegene van Siegburg und Jolmans sins soyns juͦden, an uns gegangen sint und uns des gensliche geloicht haynt und wir uns oich des angenomen hayn, so sayn wir mit rade unser und der vurgenanten beder heirren vruͦnde tzo dem eirsten. Want die stucke die gescheyt siin van den vuͦrgesprochen Meygere und Jolman syme soyn van unsme herren van Kolne vuͦrgenanten und van siinen aymtluden van sine megene sint gescheyt mit geruchte uns selven heirren van Kolne, so spreche wir dat unse herre van Kolne dem vuͦrgenanten Greven van dem Berge da van geyne besseringe doyn en sail n[…] (1) want unse herre van Kolne dat gerichte nyt laten en walde um bede willen des selven Greven van dem Berge und dar umme eyn ungunst tusschen en wart und um dat unsre heirren van Kolne mit dem Greven van dem Berge inniliche und vruͦntliche dar aif gesait […] (1) steyn in unser sage vort me die huys und Erve die Meygers waren so we sii gelegen siint zuͦ Kolne die Salmen ge[…] (1) und ledigh in der stait da it vaist und stede is da mit zuͦ duͦne, so we it uns guyt dingt. Vort me so sage wa[…] (1) die genomen siint in den vurgenannte Meygers husen Sailmen weder geven Meygers wyve und iren kyndern. Vort me […] Ertzebisschoif van Kolne und wir Greve van Guylge solen helpen truweliche in unser beder lande Meygers wyve und kyndern […] (1) also alz ir brieve haldent und da ir Burgen vuͦr behaift siint mer wer dat sache dat Meygers wiif ove […] (1) haynde sache zuͦ hairt wolden sin iren schultgemaren dar umme suͦle mir Bisschoif van Luytge keysen […] (1) uns herrin [v]an Kolne die sail siin und is her Henrich van Sinzghe Ritter und wir Greve van […]rys unde ove lande des Greven van dem Berge die sail sin und is her Henrich van Grafschaf Ritter und die zwene […] (1) schult zuͦ zetzene und zuͦ sazene, also dat geyn schultgemare zuͦ sere gedrenghet ove bezwert werde und […] (1) beschedehen. Wer aver dat die zwene dat nyt eyndregelichen geseytzin ove gesayten in kunden so […] (1) man die sail sin und is her Gerart der herre van Landzkron und an mes part dat die derde velt […] (1) diesse vuͦrgenante zwene ove die dende mit ir eyme also alz id vuͦrgesprochen is eyndregclichen seitzent ove […] (1) juͦden halden und duͦn und meir dat die schultgemare den juͦden dat nyt endeden oif enhelden […] (1) Greve van Guylge manlich in syme lande dair over eyn guyt Richter siin na sinre maicht […] (1) von […] (1) dat die greve van dem Berge die vuͦrgenante juͦden dar zuͦ halden sail endeliche dat sii de brieve […] (1) stat van Kolne ailz van schulde dar um he sii ansprach unsem vuͦrgenante herren van Kolne und uns Bisschof [van Luytge] […]nd suͦlen […] (1) uns beden dis geloeven, we wir dat seitzen ove saitzin. Vort me so sage mir dat um betzalinge […] (1) Kolne den vurgenannten juden schuldig wais der die vuͦrgenannte Greve van dem Berge eyn vorderer is geven sail […] greven van dem Berge vunf dusent marc kolner pagimentz alz nuͦ genge und geve is und sail eime […] (1) wen turnosen im talle zuͦ musse, die men neymt van eyme noder wyns und van anderme guͦde na gebuͦrt […] (1) eyne und sculdich is talle zuͦ gevene und sail die Greve in dem talle eyne kneycht hayn in koyst des […] (1) zwen turnose gensliche opheve alz andre wairt pennighe alz lange bis die vuͦrgenannte summe pennighe gensliche bezailt sii […] (1) die breve des de sichere sii so sail unse herre van Kolne eme da vuͦre gude Burgen seitzin zuͦ unser sage und her umme sage wir dat die Greve van dem Berge Meygers wif, sine kynt und sin Erve dar zuͦ halden sail dat sii unsme heirren van Kolne sulen weder geven alle die brieve die Meyger ove sii van eme haitden ove haynt it si van schulden over van andren stucken […] (2) her namails da van geyn vuͦrderinge engeschey. Vort me so sage wir dat Meygers wif und kynt ir Boden und Gesinde mogen […] (2) ilen varen und wandelen in geleyde und vrede in unses vuͦrgenanten herren van Kolne und in unses Greven van Guylge lande ir schult in zuͦ vorderen. Vort me wer dat sachge dat der zweier raitlude over des derden mans vuͦrgenante ir eynich aiflinich wuͦrd ove mit der noit bevangen wuͦrde dat hie bi der sacinge nyt sin inmagte ove in walde so suͦle wir Bisschoif van Luytge und Greve van Guylge eynen andren raitman ander siden da is gebricht und sementlichen eynen derden man ove mens dairf keysen macht zuͦ havern also alz id vuͦr gesprochen is. In allen dessen dingen die hie vuͦrgesprochen sint van Meygers schult und siner kynder und irs guytz und der vorderinge der schulde so sail id also zuͦ verstane siin mit beheltnisse an den selven schulden und erves Reychtz des Greven van dem Berge und ouch vorwarden die eme van Meygere sine wyve und iren Erven dar aif gescheyt und gedayn sint alle argelist in alle dessen vuͦrsprochen stucken uys gescheyden und mit diesser vuͦrgenante unser sage sail guit und doit siin al ungunst die tusschen unsme herren van Kolne und dem Greven van dem Berge opkuͦmen wais und suͦlen guͦde und truwe vruͦnde sin alz e in urkunde alle diesser vuͦrgenante stucke und sage hayn wir unse ingesigele an diessen Brief gehangen, die gegeven is zuͦ Kolne in dem jare alz men scrift na goitz gebuͦrde dusent druhundert veir und drissich jar des guͦdens daygz na sinte Remeygis dach.

(1) Wasserschaden, mehrere Wörter unleserlich.

(2) Loch, ein Wort unleserlich.

Überlieferung:

• Schmandt, Judei (2002), S. 83 f.
• REK 5, Nr. 255, S. 69.

• Schmandt, Judei (2002), S. 80;
• Kober, Quittungsurkunde (1935), S. 226.

Kommentar:

Zur Vorgeschichte dieser Regelungen, zu der auch das vollstreckte Todesurteil gegen Meir und die Konfiskation seiner Güter zählen, vgl. KO01, Nr. 151.

(bel.) / Letzte Bearbeitung: 07.03.2018

Zurück zur Übersicht