Zurück zur Übersicht

250 Quellen in diesem Teilcorpus. Sie sehen die Quelle 136.

• ««
• «
• »
• »»

Bm. Konstanz 1, Nr. 136

1327 Januar 25, Salem

Ritter Burchard von Rosenau bekundet, dass er zur Bezahlung seiner Schulden, die durch Zinsen bei Juden weiter anstiegen, die ihm gehörigen Güter bei Meßkirch, die er von Peregrin von Wülflingen gekauft und die ehemals Konrad Rech bebaut hatte, mit Einverständnis seiner Frau Ursula für 220 Pfund Heller an das [Zisterzienser-] Kloster Salem verkauft.

Unuversis [!] hanc litteram inspecturis Burchardus de Rosenowe miles subscriptorum noticiam cum salute, ut contractus bone fidei consensu mutuo celebrati sub stabilitate inconmutabili perseverent, scriptarum indiciis tenaci et inconmutabili debent memorie commendari. Noverint igitur universi tam posteri quam presentes, quos nosce[re] fuerit opportunum, quod cum ego gravibus essem oppressus oneribus debitorum nec ab eisdem possem nisi per vendiciones bonorum meorum immobilium aliquatenus liberari possessiones meas universas prope civitatem Meskilch sitas proprietatis michi titulo pertinentes, quos a Peregrino de Wuͤlfelingen comparaveram quosque quondam Chuͦnradus dictus Rech colebat, vendicione publice decrevi exponendas. et cum inter alios ad emptionem earundem possessionum procedere cupientes honorabiles in Christo abbas (1) et conventus monasterii in Salem ordinis cysterciensis Constantiensis dyocesis michi maius et utilius pretium obtulisset receptis ab eisdem ducentis et viginti libras denarios Hallenses, quos ab ipsis presentem recepisse et in utilitatem meam evidentem videlicet in exonerationem debitorum meorum, quibus aput iudeos dampna grava sub usuris cottidie accrescebant, me convertisse confiteor ac presentibus publice recognosco volens eandem confessionem eam vim eundemque vigorem habere, ac si per me factam fuisset in iure coram judice competemto predictas possessiones sine exceptione universas cum suis appendiciis et iuribus universis videlicet agris cultis et incultis, pratis, pascuis, silvis, nemoribus et frutectis, viis, inviis, servitis, itineribus, aquis, aquarumque, decursibis, bannis et iurisdictionibus omnibusque aliis eisdem possessionibus, interior vel exterior, pertinentibus, tacitis et expressis, quibuscumque nominibus censeantur memoratis de Salem per summa pecunie ante diem de consensu Ursule uxoris mee ultimo aliorumque omnium quo intererat unanimi, voluntario et expresso rite ac legittime vendidi, tradidi et donavi ac in ipsos ipsorum monasterium iusto vendicionis titulo transtuli ac transfero presencium per tenorem ab eisdem eodem iure proprietatis quo et in pertinebant sine cuiusvis obice contradictionis quiete ac pacifice habendas, tenendas ac perpetuo possidendas. Inducentes custodie de Salem et ipsorum monasterium in corporalem possessionem possessionum predictarum ac pertinentiarum suarum universarum adhibitis in premissis quibuslibet verborum ac gestuum sollempnitatibus debitis et conswetis obligo in supra me meosque heredes ac successores universos cisterciensi abbati et conventui eorumque monasterio ad prestandum plenam warandiam de predictis et ad subeundum omne evictionis periculum in quocumque iudicio ecclesiastico vel seculari, quod de iure vel de conswetudine quaencumque necce fuerit subeundum sine predictorum de Salem sumptibus et expensis. Renuncio igitur pro me meisque qui per tempore fuerint heredibus ac successoribus universis beneficio restitutionis in integrum a sede apostolica aut aliunde impetratis seu impetrandis deceptioni ultra dimidium iusti pretii defensioni non adhibite sollempnitatis excepcioni non numerate pecunie non tradite non solute omni conswetudi loci seu patrie omni suffragio legum videlicet canonum omnibusque constitutionibus et statutis tam editis quam edendis ac omnibus aliis quibus mediantibus ea que premissa sunt possent ullo unquam tempore cassari vel irritum revocari. In evidentiam itaque et firmitatem perpetuam singulorum et omnium premissorum sigillum meum proprium duxi presentibus apponendum. Actum in Salem anno domini MᵒCCCᵒXXVIIᵒ in Conversione Sancti Pauli pressentibus testibus subnotatis videlicet honorando viro domino Hartmudo decano in Maͤngen, Ditrico de Liͤhtenstain, Bertoldo dicto Kessel, Lutzone dicto Wurzel, ministro in Sulgen, frater Ottone priore, fratre Burchardo pistore, fratre Conrad mercatore, fratre Johanno subcellario, fratre Hainrico vestiaro aliisque pluribus fide dignis. Datum in eodem anno quo supra.

(1) Konrad von Enslingen; vgl. Siwek, Zisterzienserabtei (1984), S. 174-179.

Überlieferung:

• Codex diplomaticus Salemitanus 3, Nr. 1156a, S. 186;
• Fürstenbergisches UB 5, S. 121, Anm. 6.

• Hämmerle, Juden (1982), S. 84;
• Habsburgische[s] Urbar 2, 1, S. 245 f., Anm. 5.

(Michael Schlachter) / Letzte Bearbeitung: 29.07.2020

Zurück zur Übersicht