Zurück zur Übersicht

337 Quellen in diesem Teilcorpus. Sie sehen die Quelle 156.

• ««
• «
• »
• »»

Elsass 1, Nr. 150

1330 Dezember 5, Basel

Der Basler Offizial bekundet, dass vor ihm Heinrich Schupe von Freiburg als Prokurator der Eheleute Rulmann Schlosser und Mechthild Kelwin aus Gebweiler erschien und öffentlich erklärte, dass das Ehepaar eine Priesterpfründe im Kloster Murbach gestiftet hat, wie aus dem darüber von Johannes, dem Propst der Kirche zu Goldbach, in Gebweiler ausgestellten und besiegelten Schreiben an den Basler Offizial hervorgeht, dass dieser in der Form eines Inserts seines Instruments bestätigt. Bei der Aufzählung der liegenden Güter, deren Rentenerträge für die Finanzierung der Pfründe eingesetzt wurden, wird auch ein Haus in Gebweiler erwähnt, das auf einer Seite an die Synagoge der Juden grenzt. Für letztere ist bislang kein früherer Beleg bekannt.

Noverint universi, quos nosce fuerit oportunum, quod sub anno domini Mͦ CCͦC trecesimo, feria secunda post festum beati Andree apostoli constitutus coram nobis .. officialis curie Basil[iensis] Heinricus dictus Schupe, procuratorio nomine Ruͦlemanni dicti Slosser et Mechtildis dicte Kelwin, uxoris eiusdem Ruͦlemanni, residentes in Gebwilr, recognovit publice eosdem coniuges ordinasse ob divini cultus augmentum praebendam sacerdotalem in Monasterio Muͦrbacen[si], prout in litteris recognitionis et constitutionis procurationis sue sigillatis sigillo honorabilis domini Johannis, praepositi Golpacen[sis] ecclesie, continetur, quarum tenor sequitur in hec verba: Honorando domino .. officiali curie Basil[iensis] Iohannes, praepositus regularis ecclesie Golpacen[sis], reverencie quicquid potest. Vestre reverencie innotescat, quod sub anno domini Mͦ CCͦC tricesimo feria sexta ante festum beate Katherine [3. Dezember 1330] in praesentia mei et aliquorum fidedignorum constituti Ruͦlemannus dictus Slozser et Mechtildis dicta Kelwin, uxor sua, oppidani in Gebwilr, publice recognoverunt, ut se ob divini cultus augmentum cum bona deliberacione praeordinasse, quod de bonis ipsorum infrascriptis habeatur in monasterio Muͦrpacen[si] praebenda nova sacerdotalis, que habebit annuatim redditus quindecim librarum denariorum, de quibus duodecim ex nunc deinceps persolvi debent et post obitum Iunte de Holtze, vidue de Gebwilre, residue tres libras conditionibus hiis adiectis, quod licitum sit eisdem coniugibus vel alteri ipsorum necnon heredibus eorundem eosdem redditus comparare et solvi procurare de aliis bonis in banno Gebwilr sitis, bonorum inquam possessionum et terrarum, de quibus certitudinaliter praedicti redditus persolvi possint, et quod prima vice ad eandem praebendam idem Ruͦlmannus clericum, quem voluerit, facultatem habeat praesentandi, qui de praedicta praebenda pro capellano perpetuo investiatur, et quod deinde, quotienscumque vacaverit eadem praebenda, collacio eiusdem pertineat ad abbatem monasterii Marbacen[si], qui eandem per iuramentum infra tempus iuris conferre debebit actu sacerdoti seculari non alias, sed solum ob ipsam praebendam ibidem residentiam continuam facienti. Idem etiam sacerdos sicut ceteri praebendarii et capellani in monasterio Morbacen[si] debebit horis canonicis interesse. Et huiusmodi ordinacionem, praebende institutionem, in modum praemissum praefati coniuges bona fide promiserunt inviolabiliter et irrevocabiliter observare. Et ad recognoscendum, praemissa omnia sit contigisse coram vobis in figura iudicii, ob maiorem roboris firmitatem Heinricum dictum Schupen de Friburgo procuratorem curie Basil[iensis] suum constituunt procuratorem specialem dantes eidem mandatum faciendi circa huiusmodi recognicionem, quemcumque fuerint [sic] oportuna, etiam si mandatum exigant [sic] speciale, ratum et gratum habituri, quidquid in praemissa nomine ipsorum coniugum ordinatum fuerit coram vobis. Specificatio vero bonorum sequitur in hec verba, primo una domus sita in Gebwilr contigua domui domicelle dicte de Anegrete ab una parte et ab alia synagoge iudeorum, item alia domus sita in Gebwilr in vico dicto Herweg vicina domui Petri dicti Scheuer et domui Heinrici quondam dicti Loden, item quattuor stadi vinearum siti in loco dicto am Kleinen veldelin contigue vineis Conradi dicti Nantwig in banno oppidi Sultze (1), item duo stadi vinearum siti in banno praedicto in loco dicto Wolfhag contigui vineis domine quondam dicte Stoͤrin, item duo stadi vinearum siti in banno Gebwilr in loco dicto Gense weide contigui vineis Nibelungi armigeri de Ostheim, item duo stadi vinearum siti in banno praedicti in loco dicto In den Betten contigui vineis domini Johannis de Wettelsheim, militis, item duo stadi vinearum siti in banno Gebwilr in monte dicto Walheberg contigui vineis Petri Baselwint armigeri, item quinque stadi vinearum siti in dem Búntzendal in banno praedicto contigui vineis predicti domini Johannis. In cuius rei testimonium ad peticionem ipsorum coniugum sigillum praepositure mee duxi presentibus appendendum. Datum Gebwilr, anno et die predictis. Et nos .. officialis praedictus in testimonium recognitionis huiusmodi per dictum procuratorem sic coram nobis facte sigillum dicte curie huic appendi fecimus instrumento. Datum Basil[ee] anno domini, ut supra in prima linea continetur.

Rückvermerk:

Super prebendam sancti petri et pauli

(1) Sulz.

Überlieferung:

• Metz, Essai, Tl. 1 (2002), S. 85;
• GJ 2, 1, S. 271;
• Gatrio, Abtei 1 (1895), S. 410.

(gem.) / Letzte Bearbeitung: 03.09.2018

Zurück zur Übersicht