Zurück zur Übersicht

337 Quellen in diesem Teilcorpus. Sie sehen die Quelle 303.

• ««
• «
• »
• »»

Elsass 1, Nr. 291

1346 Januar 29

Vor dem Straßburger Offizial verkaufen Burkhard, Sohn Siegfred Doebelmanns von Molsheim, seine Tochter Nesa und seine minderjährige Tochter Klara dem von seinem Bruder Mose vertretenen Juden Vivelin, dem Sohn Isaaks von Molsheim, ein Stück Rebland im Bann von Molsheim für 13 Pfund Straßburger Pfennige.

Coram nobis .. iudice curie Argentinensis constituti Burcardus, filius quondam Sifridi dicti Doͤbelman de Mollesheim, et Nesa, eius filia, suo et nomine Clare, similiter filie ipsius Burcardi ad huc minoris, pro qua caverunt quoad subscripta et pro ipsis eorumque heredibus vendiderunt et libere resignaverunt Vivelino iudeo, filio quondam Isaag iudei de Mollesheim, ementi sibi et eius heredibus unum duale viniferum in banno opidi Mollesheim, situm an dem Moͤrder iuxta Heintzonem dictum Grorag et Itam dictam Keiserin ex una et ex parte altera iuxta Iohannem dictum Blenkelin de Argentina, pro proprio et libero ab omni census et legati onere penitus absoluto. Se vendidisse et libere resignasse publice sunt confessi pro pretio tredecim librarum denariorum Argentinensium usualium, eisdem venditoribus a dicto iudeo emptore numerato et tradito in utilitatem suam, ut dixerant, converso. Constitutentes se et eorum heredes dicti venditores warandos et principales debitores insolidum prescripti dualis pro proprio et libero, ut premittitur, erga dictum Vivelinum iudeum et eius heredes adversus omnem hominem, ut est iuris. Transtulerunt eciam dicti venditores pro se et eorum heredibus per porrectionem calami, ut est moris, in Moysen iudeum, fratrem dicti Vivelini presentem et nomine ipsius Vivelini recipientem, omne ius, possessionem, proprietatem et dominium vel quasi, que sibi in dicto duali competebant aut competere poterant modo quovis. Ipsi eciam venditores asseruerunt per fidem nomine iuramenti ab ipsis coram nobis corporaliter prestitam, ipsum duale esse proprium et liberum, ut premissum est, et promiserunt per dictam fidem huiusmodi vendicionem ratam et firmam tenere nec contra ipsam facere vel venire quoquomodo. Prenominati eciam venditores ac Henselinus dictus Bumeister de Mollesheim similiter constitutus coram nobis promiserunt insolidum se procuratores et effecturos apud prescriptam Claram minorem, cum ad annos discretionis seu legitime etatis pervenerit, quod huiusmodi vendicionem laudet et ratificet cum omni caucione, que ad hoc fuerit oportuna. Alioquin omne dampnum, quod ipsum Vivelinum vel eius heredes ex hoc sustinere contigerit, illud ipsi venditores ac dictus Henselinus Bumeister pro se et eorum heredibus insolidum resarcire promiserunt eisdem. Renunciantes quoad premissa dicti venditores pro se et eorum heredibus excepcioni pecunie non numerate, non tradite et in utilitatem suam non converse, doli mali accioni in factum beneficio restitutionis in integrum et quo deceptis ultra dimidium iusti precii subvenitur aliisque excepcionibus et defensionibus sibi contra premissa quoquomodo valituris. In cuius rei testimonium sigillum curie Argentinensis presentibus est appensum. Actum IIIIᵗᵒ kalendas februarii, anno domini millesimo trecentesimo quadragesimo sexto.

Rückvermerk:

חות' כרמים לחלוקה (Siegel Weinberge zur Aufteilung); lat. Rückvermerk: Item Emptio vnius duale an dem moͤrder pertinet ad Judeum (neuzeitl.?)

Überlieferung:

• Mentgen, Studien (1995), S. 564.

(gem.) / Letzte Bearbeitung: 12.02.2014

Zurück zur Übersicht