Zurück zur Übersicht

337 Quellen in diesem Teilcorpus. Sie sehen die Quelle 191.

• ««
• «
• »
• »»

Elsass 1, Nr. 182

1335 August 20, [Straßburg]

Der in Straßburg ansässige Jude Abergolt von Basel verpflichtet sich in Gegenwart des Straßburger Stettmeisters Ritter Berthold Swarber für sich und seine Erben durch Leistung eines jüdischen Eides auf das Gesetz des Moses vor dem Straßburger Offizialatsgericht, im Falle von Forderungen gegenüber den Bürgern der Stadt Basel und Bewohnern der Stadt Freiburg, aus denen Streitigkeiten erwachsen könnten, einem diesbezüglichen Mehrheitsbeschluss von Bürger- und Schöffenmeistern der Stadt Straßburg zu gehorchen. Sollten Abergolt oder seine Erben dem zuwiderhandeln und Straßburger Bürgern daraus Schäden erwachsen, haften Abergolt oder seine Erben als Hauptschuldner für eine vollständige Wiedergutmachung.

Coram nobis, .. iudice curie Argentinensis, constitutus dictus Abergolt, iudeus de Basilea, residens Argentine, non vi nec metu nec aliter (1) sagacitate ad subscripta inductus seu coactus, sed sponte, libere et ex certa, ut asseruit, scientia promisit et se ad hoc in fugura iudicii per iuramentum ab ipso coram nobis corporaliter prestitum, prout iudei in libro Moysi iurare solent, obligavit, manu etiam ipsius iudei posita in librum Moysi, quem librum ipse iudeus per dictum iuramentum librum Moysi esse dicebat, et se eiusque heredes dictus iudeus de subscriptis principales debitores constituit, quod super omni requisitione, dissensione et defectu, vulgariter dicendo umbe alle vorderunge unde bresten, quos iam habet vel imposterum habere posset, iuditio vel sine iuditio, aut in quemcumque modum huiusmodi requisitio, dissensio seu defectus suboriri poterunt inter ipsum iudeum et eius heredes et cives civitatis Basiliensis et opidanos opidi Friburgensis ipse iudeus obedire debeat duobus .. magistris civium et .. magistro scabinorum civitatis Argentinensis, qui nunc sunt et qui post eos magistri eiusdem civitatis Argentinensis erunt, ita quod quidquid iidem tres .. magistri vel maior pars eorum facere iusserint ipsum iudeum vel eius heredes super requisitione, dissensione et defectu, quas nunc habet vel imposterum ipse iudeus vel eius heredes habebunt vel inceperunt contra cives civitatis Basiliensis et opidanos opidi Friburgensis predictos, quod illud dictus iudeus et eius heredes ratum et firmum tenere debeant et in hoc contentari nec contra hoc venire vel veniri procurare per se vel per alios quoquomodo in iuditio vel extra imposterum vel ad presens. Et si ipse iudeus vel eius heredes premissam obligationem vel aliq[uid] ex ea infringerent vel contra venirent et ipsos cives Basilienses et opidanos Friburgenses vel aliquem ex eis specialiter occuparent et invaderent, iuditio vel sine iuditio, alias quam suprascriptum est, dictosque cives Argentinenses vel aliquem ex ipsis civibus Argentinensibus ex hoc dampnum aliquod vel expensas aliquas sustinere contigerit, illud et illas eisdem civibus Argentinensibus pro se et eius heredibus dictus iudeus per iuramentum predictum refundere promisit integre et complete. Et se de hoc eiusque heredes ipse iudeus principales debitores constituit atque fecit renuntians quo ad premissa pro se et eius heredibus dictus Abergolt exceptioni doli mali accioni infactum et quo circumventis subvenitur et quod allegare posset premissa cum verbis condicta fore et ipsum prescripta coactus fecisse, omnique iuris auxilio canonici et civili, consuetudinibus et statutis tam publicis quam privatis exceptionibus et defensionibus aliis quibuscumque, quibus inuari posset ad veniendum contra premissam obligacionem in quemcumque modum, hoc accidere posset in iuditio vel extra, imposterum vel ad presens, et specialiter legi dicenti renuntiacionem factam in genere non valere. Presente Berhtoldo dicto Swarber, milite, magistro dicte civitatis Argentinensis, et premissam obligacionem a dicto iudeo nomine duorum magistrorum civium et .. magistri scabinorum civitatis Argentinesis recipiente ac etiam stipulante. Et in premissorum testimonium sigillum curie Argentinensis ad peticionem dicti iudei presentibus est appensum. Actum XIII kalendas septembris anno domini millesimo trecentesimo tricesimoquinto.

(1) Vorstehendes Wort aufgrund eines Flecks undeutlich.

Überlieferung:

• UB Straßburg 5, Nr. 49, S. 66 (Regest in Form eines kurzen Urkundenauszugs).

• Mentgen, Studien (1995), S. 101;
• Glaser, Geschichte 1 (1924), S. 61, Anm. 131;
• Ginsburger, Juden in Basel (1909), S. 337 f.;
• Ginsburger, Juden in Rufach (1906), S. 37 f.

(gem.) / Letzte Bearbeitung: 05.05.2017

Zurück zur Übersicht