Zurück zur Übersicht

548 Quellen in diesem Teilcorpus. Sie sehen die Quelle 386.

• ««
• «
• »
• »»

Ebm. Mainz 2, Nr. 294

1382 August 24

Graf Heinrich und sein Bruder Graf Friedrich von Veldenz bekunden, dass ihr Verwandter Graf Simon zu Sponheim und Vianden mit Heinrich gemeinsam an die Stelle von Simons Vater Graf Walram von Sponheim als Hauptschuldner bezüglich einer Forderung in Höhe von 1.600 Gulden getreten ist, die in vier Raten an die Brüder Lazarus und Isaak, Juden zu Alzey, Erben des Josef, zu zahlen sind. Die Aussteller sagen Graf Simon und dessen Erben Schadloshaltung zu, da die Schuld auf ihren verstorbenen Vater zurückgeht.

Wir, Heinrich und Ffriederich, gebrudere, graffen zuͦ Veldentz, erkennen uffentlich in diesem briefe, als der edel, unser lieber neve, graffe Symond, grave zuͦ Spanheim und zuͦ Vyanden, mit uns, graffen Heinrichen vorgenanten, heuptschuldener und burge wurden ist an sins vatter, unsers oheyme, graffen Walraben von Spanheym seligen statt gein Ioseph erben, gein [!] Lazarus und Ysaac, gebrudern zuͦ Alzey, und iren erben und des eynen brieff mit uns, graven Heinrich egenant, dar ubir besiegelt hait als von eyner sommen geldis, der wir mit den iuden von aller schulde ubirkommen sin hemelichen an sechzehen hondert gulden, die wir auch zu vier getzielen bezalen sollen nach inhaldunge des selben heuptb[r]ie[fs]. Des globen wir, Heinrich und Ffriederich gebrudere graffen vorgenant, sammentlichen mit guten truwen und mit rechter wairheyt den egenanten unsern neven graffen Symond und sine erben von der selben vorgenanten schuͦlde von heuptgelde und von schaden, der noch dar uff gan mocht, gutlichen zuͦ ledigen und zuͦ loiszen ane eyde und ane allen sinen und siner erben schaden, want die schult auch von unserm vatter seligen dar kommen ist und wir der zuͦ schaffen hain und er nit, uzgescheyden alle argeliste und geverde. Und (1) des zuͦ urkunde so hain wir, Heinrich und Ffriederich graven vorgenant, unser beyder inges[igele] sammentlich an diesen br[ief] gehangen, der gegeben wart uff sant Bartholomeus dag, des heyligen zwolffbotten, anno domini Mᵒ CCCᵒ LXXXIIᵒ.

(1) Vorstehendes Wort durchgestrichen.

Überlieferung:

• Regesten des Archivs der Grafen von Sponheim 2, Nr. 2009, S. 238 f.

(gem.) / Letzte Bearbeitung: 20.12.2016

Zurück zur Übersicht